Deu 1:26-31 | SwhKC | STEP | Lakini hamkuwa tayari kukwea, mkaasi dhidi ya amri ya Bwana Mwenyezi Mungu wenu.

Deuteronomy 1:26-31

26 ^aLakini hamkuwa tayari kukwea, mkaasi dhidi ya amri ya Bwana Mwenyezi Mungu wenu. 27 ^bMkanung’unika ndani ya mahema yenu na kusema, “Bwana anatuchukia, kwa hiyo alitutoa Misri ili kututia mikononi mwa Waamori kutuangamiza. 28 ^cTwende wapi? Ndugu zetu wametufanya kufa moyo. Wanasema, ‘Watu wa huko wana nguvu zaidi na ni warefu kuliko sisi tulivyo; miji ni mikubwa, yenye kuta zilizofika juu angani. Zaidi ya hayo, tumewaona Waanaki huko.’ ”

29 ^dNdipo nikawaambia, “Msihofu, wala msiwaogope. 30 ^e Bwana Mwenyezi Mungu wenu anayewatangulia, atawapigania, kama alivyofanya kwa ajili yenu huko Misri, mbele ya macho yenu hasa, 31 ^fna pia huko jangwani. Huko mliona jinsi Bwana Mwenyezi Mungu wenu alivyowachukua, kama baba amchukuavyo mwanawe, katika njia yote mliyoiendea mpaka mkafika mahali hapa.”